Мандах

Манайх 19р хороололын 32р байранд амьдардаг байхад манай байранд маш олон алдартангууд болон ирээдүйд олонд танигдах олон хүмүүс амьдарч байсан байна. Өмнө нь Lumino хамтлагийн MC-буюу Тэмүүжинг бичсэн бол одоо харин үлдсэн хүмүүсээ бүгдийг нь бичихээр шийдлээ. Манайх 32 тоот амьдардаг байсын. Харин 31 тоотод залуу уран бүтээлч болох спортын төв ордны 2 давхарт байрлах Hamba film студийн захирал та нарын мэдэхээр бол Орхидос киноны найруулагч Б.Ганболд буюу бидний дууддагаар Боогий ах байна( эхний зураг), түүний аав нь цагтаа Монголдоо төдийгүй дэлхийн тавцанд эх орныхоо нэрийг гаргаж явсан Баян Монгол хамтлагийн нарийн бүрээчин байсан хүн...33 тоотод буудлагын спортын олон улсын хэмжээний мастер Энхбаатар гэж ах байсан энэ ах намайг жаахан байхад нэг Кама гэдэг нээх гоё орос дугуйтай тэрэнд дээрээ сундлаал явдаг байсын...2 давхарын 34 тоотод Монгол улсын гавъяат жүжигчин дуучин Хоролсүрэн гуайнх байлаа, түүний охин нь Би чамд хайртай1 киноны дууг дуулсан, сүүлд Би чамд хайртай2 киноны дууг Болдтой хамтран дуулсан эмч мэргэжилтэй Оюун-Эрдэнэ эгч байлаа( голын зураг )...35 тоотод Монгол улсын гавъяат жүжигчин эмээгийн минь нутаг болох Хөвсгөлийн Надмид гэж мундаг дуучин байлаа, энэ хүний дуулсан Хотгойд ардын дуу Тосонгийн орой хэмээх дууг нь 1990-ээд оны дундуур байхаа Францын алдарт Enigma хамтлаг хулгайлж дуу гаргаад тэр нь дэлхий нийтээр од болж сүүлд нь Надмид гуайд зохиогчийн эрх зөрчсөн гэж хэдэн долларч өгч байлаа...4дүгээр орцны нэг давхарт болохоор DOZ entertainment –ийн захирал жүжигчин Доржсүрэн буюу Доёо байлаа (сүүлийн зураг ), Аав нь хөөрхий Шадав гэж манай өвөөтөй хамт хуучнаар бол архин завод, одоогийн АПУ компанид насаараа ажилласан сайхан хөгшин байлаа...Харин манай өвөө бол одоо тухайн үеийн АПУ-гийн гаргаж байсан Амтлаг нэртэй дарсыг өөрөө гардаж зохиож хийсэн, мөн Алтангагнуур, Yamaha, Хунчирт зэрэг олон эмчилгээний архи болон дарснуудыг хатран хийлцсэн сайхан хүн байлаа гэж хөөрхий... харин Монголын хөл бөмбөг сонирходог залуус мэдэх байхаа Улаанбаатарын мазаалай багийн анхны гишүүд болох миний багийн найзууд болох Мазаалай багийн хагас хамгаалагч Одбаяр, Баяртулга, Ариунбат, мөн тус багаас Хасын хүлгүүд багт очсон 10 дугаартай довтлогч Ганзориг гээд бид бүгд уг нь цуг мазаалай багийг хамгийн анх 52-р сургууль дээр байгуулагдаж байхад нь орсон боловч би хаячихсан юм...